അറിയാതെ പോയതിതൊന്നുതന്നെ!

പകൽത്തിരകളിൽ മറഞ്ഞ

നക്ഷത്രകൂടാരത്തിലിരുന്ന 

വെൺപൊട്ടിനിന്നെന്തു ചന്തം!

കൺമുന്നിൽ നിന്നകന്നിരുന്ന 

നിൻ മനസ്സിലെന്നും കുടിയിരുന്ന 

ആമ്പൽച്ചെടികൾക്ക് നിറവസന്തം!

മേടമാസപ്പുലരിയിൽ 

മഞ്ഞപട്ടണിഞ്ഞ രാജവീഥിയിൽ 

കണ്ണനെ കാത്ത രാധമാർ 

അറിഞ്ഞില്ല കണ്ണനവർക്കുള്ളിലെന്ന്‌.

കസ്തൂരി തേടി നടന്ന മാനും 

കണ്ണനെ തേടി അലഞ്ഞ നീയും 

അറിയാതെ പോയതിതൊന്നുതന്നെ!