സ്നേഹഗീതം

തിരയാൻ മറന്ന തിരയിലുണർന്ന

പൂവിനോടിന്നൊരിഷ്ട്ടം,

അലയാൻ തുനിഞ്ഞ അലകടലിലലിഞ്ഞ

കാവ്യാനുഭൂതിയിലുറക്കം.

വേനലിൽ പൂക്കാലമൊരുക്കും

തീവെയിലിൽ മധുമഴചൊരിയും

ഗന്ധർവരാവിൻ അപ്സരസ്സവൾ,

നീർചാറ്റലിൻ നൊമ്പരമവൾ!

ഏഴുസ്വരങ്ങൾ ശ്രുതിമീട്ടി വീണയിൽ 

ദേവരാഗങ്ങൾ പൂത്തുലഞ്ഞ സന്ധ്യയിൽ

നിൻ മന്ദഹാസമെൻ ചാരിൽ

ഒന്നുരുകുവാനിന്നെൻ മാറിൽ.

പൂമരം വിരിഞ്ഞതെൻ സ്വപ്നമഞ്ചലിൽ

അനുരാഗിണി തീർത്തൊരു രാജകവാടത്തിൽ

ഏകനായി മായയിൽ, ഭവ്യമാം ശൈലിയിൽ 

ചേർന്നു മനസ്സുകൾ ചെറുചിരിയോടെ.